Kona sem starfaði í verslun var í gær sakfelld í Héraðsdómi Reykjaness fyrir fjárdrátt. Nældi hún sér í fimm þúsund kall, ýmist daglega eða með nokkurra daga millibili í þrjár vikur. Samtals stal hún 50 þúsund krónum úr kassanum.
Konan játaði brot sín greiðlega. Hún hefur ekki áður gerst brotleg við lög. Var hún dæmd í 30 daga skilorðsbundið fangelsi. Hún þarf jafnframt að greiða verjanda sínum 84.320 krónur í þóknun.