Siggeir F. Ævarsson, framkvæmdastjóri Siðmenntar birti í kvöld færslur á Twitter, þar sem hann gagnrýndi stjórn Bláa lónsins.

Hann sagði galið að fyrirtæki væri að reiða sig á úrræði ríkisstjórnarinnar til að borga starfsmönnum laun, þegar að arðgreiðslur til stjórnenda fyrirtækisins hefðu verið fjórir milljarðar í fyrra.

Fyrirtæki sem greitt hefur eigendum um 9 milljarða í arð á síðustu 4 árum, bíður nú átekta eftir úrræðum ríkisstjórnarinnar varðandi atvinnuleysisbætur til að ákveða hvort og hvernig þeir verja störf hjá fyrirtæki.

Kallið mig bara brjálaðan Marxista en mér finnst þetta galið.

— Siggeir F. Ævarsson (@siggeirslayer) March 23, 2020

Siggeir var í kjölfarið spurður út í hvaða fyrirtæki hann væri að tala um og hann sagði stemma að um Bláa lónið væri að ræða.

Að lokum kom Siggeir með tillögu að nýju fyrirkomulagi. Hann stakk upp á að 25% arðgreiðslna þeirra fyrirtækja sem nytu þjónustu vinnumálastofnunar, skyldu renna til starfsfólks.

Það ætti að setja lög eitthvað á þá leið að ef þú nýtir þér Vinnumálastofnun til að borga launin fyrir starfsfólkið þitt núna, þá renni 25% af arðgreiðslum næstu X ára til starfsfólks

— Siggeir F. Ævarsson (@siggeirslayer) March 23, 2020