Fanney Rós Þorsteinsdóttur hefur verið sett í embætti ríkislögmanns. Skipunin er tímabundin, eða til þriggja mánaða. Þetta kemur fram í tilkynningu frá forsætisráðuneytinu. Fréttablaðið greindi frá því í dag að Einar Karl Hallvarðsson ríkislögmaðurværi kominn í ótímabundið veikindaleyfi.
Fanney Rós útskrifaðist með kandídatspróf frá Háskóla Íslands árið 2005 og meistaragráðu frá Columbia-háskóla árið 2012. Hún fékk réttindi til málflutnings í héraði árið 2006 og fyrir Hæstarétti árið 2014. Hún hefur starfað við embætti ríkislögmanns frá 2012.