Einu sjoppunni í Stykkishólmi, Bensó, hefur verið lokað og viðskiptavinir hafa undanfarið komið þar að lokuðum dyrum. Þetta kemur fram á vefnum Skessuhorn. Rætt er við eigandann Sigurð Pálma Sigurbjörnsson sem einnig rekur tvær verslanir í Reykjavík. Segir hann að allt of erfitt hafi verið að fjarstýra rekstrinum úr Reykjavík og nauðsynlegt sé að heimamenn stýri rekstrinum.

Viðræður standa yfir við heimamenn um rekstur þeirra á sjoppunni. Í millitíðinni þurfa íbúar að sækja sér sjoppuvarning til Grundarfjarðar. Verslun Olís í Stykkishólmi var lokað í mars á þessu ári.