Hælisleitendur og stuðningsmenn þeirra hafa nú að nýju efnt til mótmæla á Austurvelli og virðast mótmælin töluvert fjölmennari en í gær þegar í brýnu sló milli mótmælenda og lögreglu sem beitti piparúða og handtók tvo mótmælendur. Fundarmenn vilja fá að ræða við yfirmann í lögreglunni og segja: „Við bítum ekki“.
Aðrar kröfur er að endir verði bundinn á brottvísanir hælisleitenda frá landinu án málsmeðferðar, að hætt verði við áform um að herða á túlkun Dyflinnar-reglugerðarinnar, hælisleitendur fái að vinna í landinu á meðan mál þeirra eru til meðferðar, þeir fái betri heilbrigðisþjónustu og betra húsnæði.
Meðfylgjandi myndir og myndskeið eru frá mótmælafundinum sem hefur farið friðsamlega fram til þessa. Fjöldi lögreglumanna hefur stillt sér upp fyrir framan Alþingishúsið.
Uppfærsla: Maður veittist að mótmælendum
Lögregla leiddi burt mann af svæðinu sem veittist að mótmælendum. Sjá myndband:
Uppfært kl. 19
Eins og smá má á meðfylgjandi mynd eru mómælendur töluvert fleiri en í gær, líklega vel á annað hundrað. Þeir mynda hring fyrir framan Alþingishúsið.