fbpx
Laugardagur 18.október 2025
Fréttir

Svarthöfði fetar fótspor Haraldar

Svarthöfði
Sunnudaginn 8. desember 2019 09:45

Ekki missa af Helstu tíðindum dagsins í pósthólfið þitt

Lesa nánar

Svarthöfði tilkynnir hér með að hann muni sækjast eftir embætti ríkislögreglustjóra þegar það verður auglýst. Núverandi ríkislögreglustjóri, Haraldur Johannessen, stígur til hliðar um áramótin, í kjölfar harðrar gagnrýni og vantraustsyfirlýsinga. Haraldi var þó ekki gert að víkja, heldur fékk hann að biðjast undan embættinu að eigin frumkvæði.

Og nú er komið að Svarthöfða að taka við embættinu. Enda þyrfti Svarthöfði að vera vitfirrtur að sækjast ekki eftir því. Kósí innivinna á góðum kjörum og ekki nóg með það, seisei, nei. Svarthöfði ætlar að fylgja fast í fótspor Haraldar, nema kannski gera það aðeins hraðar en hann. Verða fljótt með umdeildari embættismönnum landsins, hóta þeim lífláti sem vita ekki hver Svarthöfði er, ráða bara skemmtilega samstarfsfélaga sem Svarthöfða líkar við, hunsa stjórnsýslulögin þegar þau henta ekki, sinna skyldustörfum með þeim hætti að allir vantreysti og tortryggi hann, bregðast brotaþolum kynferðisbrota, leigja öðrum löggum bíla á uppsprengdu verði og skamma svo fólk fyrir að vega að heiðri Svarthöfða á opinberu bréfsefni embættisins.

Að þessu loknu gerir Svarthöfði að sjálfsögðu ráð fyrir sömu starfslokakjörum og Haraldur. Svarthöfði fær að segja af sér sjálfur, fær rausnarlegan starfslokasamning (40 m.kr. JÁ TAKKI) fær svo uppskáldaða ráðgjafastöðu við hægri hönd dómsmálaráðherra þar sem  Svarthöfði fær svo að skipta sér af því hvernig löggæslumálum verði hagað framvegis. Og það besta er að nýja uppskáldaða staðan gerir enga kröfu um mætingu. Þetta er sannkallað draumastarf, þar sem maður fær tugi milljóna fyrir að standa sig illa í starfi. Þetta er tækifæri sem ekki mun bjóðast oft. Svarthöfði lofar að vera alveg jafn slæmur ríkislögreglustjóri og Haraldur, svo lengi sem Svarthöfði fái sömu umbun fyrir illa unnin störf. Síðan má ekki gleyma því að Haraldur er korter í eftirlaun og að sjálfsögðu eru eftirlaunakjör hans nánast eins góð og þau gerast. Haraldur er reyndar snillingur í að fá uppskáldaðar stöður. Hann var einn af fyrstu starfsmönnum hjá þá nýstofnuðu embætti ríkislögmanns, svo var búin til fyrir hann staða fangelsismálastjóra, svo búin til ný staða varalögreglustjóra, síðan staða ríkislögreglustjóra og nú verður hann sérstakur ráðgjafi dómsmálaráðherra. Hvernig fer hann að þessu?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Vilja stöðva niðurrif Sæmundarhlíðar – Rísa eigi 11 íbúða blokk sem varpi skugga á nágranna

Vilja stöðva niðurrif Sæmundarhlíðar – Rísa eigi 11 íbúða blokk sem varpi skugga á nágranna
Fréttir
Fyrir 22 klukkutímum

Segja gæludýrafrumvarp Ingu ekki duga til – Eigendur brjóti ítrekað reglur, harðar deilur komi oft upp og heimildir til aðgerða skorti

Segja gæludýrafrumvarp Ingu ekki duga til – Eigendur brjóti ítrekað reglur, harðar deilur komi oft upp og heimildir til aðgerða skorti
Fréttir
Í gær

Ár liðið frá hryllingsárásinni á Hafdísi – „Þá mun ég alltaf sigra“ – Myndir

Ár liðið frá hryllingsárásinni á Hafdísi – „Þá mun ég alltaf sigra“ – Myndir
Fréttir
Í gær

Fjórir hestar veiktust og einn drapst eftir að hafa verið innan girðingar ratsjárstöðvar Landhelgisgæslunnar – Orsökin óljós

Fjórir hestar veiktust og einn drapst eftir að hafa verið innan girðingar ratsjárstöðvar Landhelgisgæslunnar – Orsökin óljós
Fréttir
Í gær

Yfirmaður um ástandið á bráðamóttökunni – „Við getum auðvitað ekki sagt þeim að bíða úti á plani“

Yfirmaður um ástandið á bráðamóttökunni – „Við getum auðvitað ekki sagt þeim að bíða úti á plani“
Fréttir
Í gær

Þorvaldur Davíð kallar eftir að virðing sé borin fyrir börnunum okkar

Þorvaldur Davíð kallar eftir að virðing sé borin fyrir börnunum okkar