Fréttablaðið er með ófheðbundnu sniði í dag því engar fréttir eru að finna í blaðinu. Tólf tíma verkfall var á prentmiðlum í gær sem hafði þau áhrif að félagsmenn í Blaðamannafélaginu á prentmiðlum, blaðamenn, ljósmyndarar og prófarkalesarar, lögðu niður störf.

Jón Þórisson, ritstjóri blaðsins, útskýrir á forsíðunni hvers vegna blaðið kemur út með þessu sniði í dag.

„Það er fullt starf fjölda starfsmanna á ritjstórn að skila efni í hvert tölublað og því var ekki mögulegt annað en að blað dagsins bæri merki þessara aðgerða. Fréttablaðið hefur skyldur við lesendur og auglýsendur og því var tvennt sem lagt var til grundvallar þeirri ákvörðun að blaðið yrði gefið út við þessar aðstæður. Annars vegar að virða rétt blaðamanna til vinnustöðvunar. Því eru ekki fréttir í þessu tölublaði, en birt er annað ritsjórnarefni, sem tilbúið var áður en verkfall brast á. Hins vegar að auglýsendur geti reitt sig á auglýsingamátt blaðsins og ekki kæmi rof í nærri tuttugu ára útgáfusögu þess. Eins og kunnugt er berst Fréttablaðið lesendum sínum þeim að kostnaðarlausu og eru auglýsingar eina tekjulind þess.“