Norska ríkisútvarpið RNK fjallar um Samherjamálið á vef í sínum í dag. Þar segir að Samherji hafi mútað áhrifamönnum í Namibíu og notað norska bankann DNB til að flytja 70 milljónir dollara í skattaskjól á Marshall-eyjum.
Í fréttinni kemur fram að Samherji hafi ekki viljað tjá sig um málið í íslenskum fjölmiðlum en fyrirtækið hafi birt fréttatilkynningu þar sem öll ábyrgðin er sett á uppljóstrarann og fyrrverandi starfsmann fyrirtækisins í Namibíu, Jóhannes Stefánsson.
Í fréttinni kemur enn fremur fram að DNB hafi lokað á viðskipti við marga viðskiptavini en ekki fæst staðfest hvort það eigi við um Samherja. Fulltrúi hjá norska skattaeftirlitinu segir að DNB hafi ekki unnið nægilega vinnu gegn spillingu.
DNB er stærsta fjármjálafyrirtæki Noregs og er leiðandi banki í flutningum, orku og sjávarfangi. Bankinn stundar starfsemi víða um heim.
