Rannsóknin lýsti sér þannig að tekin voru sýni úr skólpi, víðsvegar um Evrópu og voru sýnin því næst rannsökuð. Niðurstöður rannsóknarinnar eru heldur sláandi fyrir okkur Íslendinga en þar kemur fram að Reykjavík er í fremsta flokki þegar kemur að amfetamínneyslu.
Eins og sjá má á grafinu hér fyrir neðan lenti Reykjavík næst efst í rannsókninni sem fór fram í fyrra. Amfetamínneysla í Reykjavík er því meiri en marga hefði grunað.
Í tölum frá Talnabrunni embættis landlæknis eru niðurstöðurnar á sama veg, fíkniefnaneysla Íslendinga fer aukandi. Þar kemur fram að um þriðjungur Íslendinga á aldrinum 18-67 ára hefur neytt vímuefna og aukning er í neyslu á örvandi efnum eins og kókaíni og amfetamíni.
Lang stærsti hluti þeirra sem hafa einhvern tímann prófað vímuefni höfðu prófað kannabis. Þó höfðu flestir þeirra einungis prófað það einu sinni en tvisvar. Einnig kemur það fram í rannsókninni að karlar séu mun virkari en konur þegar kemur að vímuefnaneyslu, 14 prósent höfðu prófað amfetamín og 12 prósent höfðu prófað kókaín. RÚV vakti athygli á því að þessi neysla kæmi frá frekar yngri svarendum.
Í könnun um þekkingu og viðhorf almennings til vímuefnaneyslu ungmenna, sem gerð var af Maskínu, eru einnig ansi sláandi tölur. Í könnun Maskínu er einnig tekið mið af aldri þeirra sem hafa prófað fíkniefnin.
Ef niðurstöður þeirrar könnunar eru skoðaðar má sjá að amfetamínneysla einstaklinga á aldrinum 18-29 ára er mun hærri en margir myndu búast við, tæp 20 prósent. Einnig er kókaínneysla hjá þessum aldri mjög mikil eða tæp 24 prósent. Niðurstöður könnunarinnar má sjá í grafinu hér fyrir neðan.
Vímuefnaneysla Íslendinga hefur lengi verið í umræðunni en nú síðast spratt upp umræða á samfélagsmiðlinum vegna efnisins. Það má að einhverju leiti rekja umræðuna til tísts sem Melkorka nokkur skrifaði en tistið má sjá hér fyrir neðan.
90s kynslóðin sem voru með í ,,ekki reykja” átakinu, getum við pls byrjað með nýtt sem er ,ekki taka kókaín á djamminu” cuz we are better than this!! Kv ein sem hatar normalíseringuna á þessu helvíti
— melkorka (@melkorka7fn) October 23, 2019
Það hefur eflaust vakið athygli hjá djammglöðum Reykvíkingum að kókaínneysla er orðin ansi algeng í borginni. Melkorka talar um „normalíseringu“ á vímuefninu og er ansi mikið til í því. Elín nokkur tekur undir með Melkorku og talar um allan þann skaða sem kókaínneysla getur valdið.
„Kókaín veldur framheilaskaða, hefur sjúklega blóðuga framleiðslusögu, er jafn ávanabindandi og heroin og sjúklega dýrt. Skil ekki hversu normaliserað þetta er!“
Einnig bentu einhverjir á það hvað kókaín er gífurlega óumhverfisvænt en margir hafa bent á kolefnisfótspor kókaíns. Einn þeirra sem vekur athygli á þessu er rapparinn og útvarpsmaðurinn Jóhann Kristófer, einnig þekktur sem Joey Christ.
Jæja það afskrifar flest ykkar. https://t.co/nGKgH7GxLR
— litli joey (@JHNNKRSTFR) October 23, 2019
