Mánudagur 18.nóvember 2019
Fréttir

Ragnar fékk virtustu verðlaunin í bransanum: Atvinnulaus ári síðar og fékk hvergi vinnu – „Ha, af hverju vilt þú vinna hérna?“

Ritstjórn DV
Föstudaginn 18. október 2019 12:26

Ragnar er hér til hægri á myndinni þegar hann veitti Michelin-viðurkenningunni móttöku.

Ekki missa af Helstu tíðindum dagsins í pósthólfið þitt

Lesa nánar

„Þarna lenti ég í því að missa vinnuna og fá engin laun í átta mánuði,“ segir Ragnar Eiríksson, einn fremsti kokkur landsins, í viðtali í nýjasta tölublaði Stundarinnar.

Ragnar fékk Michelin-stjörnu, fyrstur Íslendinga, árið 2017 en á þeim tíma var hann yfirkokkur á Dill Restaurant. Veitingabransinn getur verið erfiður og því fékk Ragnar að kynnast því innan við ári eftir að hann fékk þessa virtustu viðurkenningu veitingahúsabransans var hann orðinn atvinnulaus.

Í viðtalinu segir Ragnar að árið 2017 hafi einkennst af miklu álagi, enda fékk Dill mikla athygli eftir að verðlaunin voru tilkynnt í febrúar það ár. Svo fór að hann fékk nóg.

„Dill var búið að fá svo mikla athygli, blaðamenn og bloggarar voru alltaf að hafa samband en ég reyndi að stýra því þannig að ég færi í viðtöl um helgar þegar ég var ekki að vinna svo það myndi ekki bitna á gestunum. Ég fékk eiginlega nóg af þessu öllu í lok 2017 og sagði þá vini mínum, Ólafi Ágústssyni, að ég væri búinn að fá nóg. Sagði upp,“ segir hann í viðtalinu við Stundina.

Ragnar var ekki lengi að finna sér nýtt verkefni því Hótel Holt hafði samband við hann og bauð honum starf yfirkokks. Starfið var spennandi, segir Ragnar, og hugsaði hann með sér að mögulega gæti hann leikið sama leik og á Dill og jafnvel fengið aðra Michelin-stjörnu. Því miður reyndist ekki vera rekstrargrundvöllur fyrir staðnum og hann fór á hausinn nokkrum mánuðum síðar.

Eftir þetta tók við nokkuð langt tímabil þar sem Ragnar var atvinnulaus.

„Ég sótti bara dóttur mína á dagheimilið á hverjum degi og sat heima, tekjulaus, án atvinnuleysisbóta af því fyrirtækið fór ekki formlega á hausinn, og gerði ekki neitt. Suðaði mig á vaktir á börum og gerði kokkteila eða dældi bjór í glös. Það vildi enginn ráða Michelin-kokk í vinnu,“ segir hann í viðtalinu en viðbrögðin sem hann fékk voru á þessa leið: „Fólk sagði bara: „Ha, af hverju vilt þú vinna hérna?“ En ég var bara svangur! Og vantaði pening.“

Ragnar situr ekki auðum höndum í dag því hann opnaði, ásamt félögum sínum, Vínstúkuna Tíu sopar á Laugaveginum í sumar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Svona búa Samherjar

Ekki missa af

Fréttir
Í gær

Icelandair kannar áætlunarflug til Murcia

Icelandair kannar áætlunarflug til Murcia
Fréttir
Í gær

Blaðamannafélagið sakaði þrjár konur ranglega um verkfallsbrot

Blaðamannafélagið sakaði þrjár konur ranglega um verkfallsbrot
Fréttir
Fyrir 3 dögum

Átakanleg sambandsslit Heiðdísar og Farzad – Ofbeldi, svik og vændi – „Hún ætlaði að skera af mér typpið“

Átakanleg sambandsslit Heiðdísar og Farzad – Ofbeldi, svik og vændi – „Hún ætlaði að skera af mér typpið“
Fréttir
Fyrir 3 dögum

Eldur á Barónstíg – Tveir handteknir á vettvangi

Eldur á Barónstíg – Tveir handteknir á vettvangi