Andri Guðmundsson
„Ég held það sé Mosfellsbær, án þess að hafa búið þar. Það virðist vera skemmtileg bæjarstemning og svona „úti á landi en samt ekki“-fílingur.
Sigrún Dóra Jónsdóttir
Hvar? Skítsama. Heima er þar sem hjartað slær og hjartað má slá. Þar sem enginn stjórnar taktinum. Fyrir mér er best þar sem þér líður „heima“. Fyrir mér er það einkastaður, fjarri byggð þar sem ég get nakin gengið út á pall. Rifist, sungið og spilað tónlist án þess að vera skömmuð. Heima fyrir mér er að vera með þeim sem ég elska og á heima með og get verið ég sjálf.
Elísabet Ósk Magnúsdóttir
Ég myndi segja Reykjavík, út af flestum úrræðum fyrir börn og unglinga með fatlanir og aðrar raskanir sem þurfa séraðstoð. Mér finnst æðislegt að búa í Seljahverfi því það er rólegt og barnvænt. Góðir leikskólar og skólar.
Jón Már
Mér líður mjög vel þar sem ég er. Ég bý í 108 Reykjavík og það hentar mér vel hvað varðar atvinnu og lífsstíl. Ég er miðsvæðis, fljótur í allt en samt aðeins utan við vesenið í miðbænum.