fbpx
Fimmtudagur 17.október 2019  |

DV - Frjáls og óháður miðill

Fréttir

Íslensk samtök kalla eftir því að ríku fólki verði útrýmt

Ritstjórn DV
Fimmtudaginn 10. október 2019 13:29

Ekki missa af Helstu tíðindum dagsins í pósthólfið þitt

Lesa nánar

Jæja-samtökin kalla eftir því að ríku fólki verði útrýmt á Ísland. Ljóst er að einhver í samtökunum hefur séð kvikmyndina um Jókerinn því með þeim skilaboðum fylgir skjáskot úr myndinni. Líkt og samtökin segja þá snýst myndin meðal annars um að auðvaldið búi til sína eigin óvini. Margir hafa gengið svo langt að segja að myndin sé ákall um byltingu.

Jæja-samtökin segja að skilaboð Jókersins séu augljós þeim sem vilja sjá þau. „Jókerinn—Skilaboðin í myndinni gætu ekki verið skýrari: Almenningur á að beina reiði sinni gegn hinum ríku sem hafa þröngvað upp á okkur óréttlátu samfélagi kapítalisma, fátæktar og ójafnaðar,“ segir í færslunni sem samtökin deildu í gær.

Nokkrir virðast líta á færsluna sem hvatningu til ofbeldis. „Sko, ég skil hvað er átt við, en þessi framsetning getur mjög auðveldlega misskilist sem hvatning til ofbeldis, skrifar til að mynda Alexandra Briem, varaborgarfulltrúi Pírata. Jæja-samtökin segja henni ef hún sé ósátt þá eigi hún að senda leikstjóra Jókersins bréf. Samtökin segja svo: „Þið viljið bara hneykslast yfir framsetningu en ekki ræða hugmyndir, greiningar, hugmyndafræði. Ég veit ekki á hvaða braut þú ert en Píratar eru greinilega ekki sá róttæki flokkur sem hann stefndi á að vera.“

Einn maður spyr svo hvernig eigi að fara að því að útrýma ríku fólki. „Sköttum fyrst en svo með breytingum á efnahagskerfinu til þess að koma í veg fyrir að það sé mögulegt að verða ofurríkur. Lýðræðislegt efnahagskerfi sem dreifir gæðunum með jafnari hætti,“ svara Jæja-samtökin.

Í dag skrifa samtökin svo athugasemd við færsluna þar sem þau skýra nánar hvað þau eigi við með þessu: „Síðunni hafa borist kvartanir yfir „framsetningu“. Jæja vill útrýma fátækt og líka milljarðamæringum. Með því að skatta ríkt fólk er hægt að útrýma fátækt í landinu. Að því leyti er Jæja sammála Bernie Sanders sem sagði nýlega að milljarðamæringar ættu ekki að vera til. Ekki með því að myrða þá heldur með því að skatta þá. Þeir sem kjósa að túlka þennan póst sem hvatningu til ofbeldis verða einfaldlega að eiga slíkt við sjálfan sig.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Lögreglan þarf þína hjálp: Hefur þú séð Stefán?

Lögreglan þarf þína hjálp: Hefur þú séð Stefán?
Fréttir
Í gær

Tvíhöfði segir Sigmund vera krakkaskít úr Garðabæ: „Ég hefði lagt hann í einelti“

Tvíhöfði segir Sigmund vera krakkaskít úr Garðabæ: „Ég hefði lagt hann í einelti“
Fréttir
Fyrir 2 dögum
Elías er látinn