Listakokkurinn Albert Eiríksson lenti í alvarlegu slysi á dögunum. Hann var á hjóli og staddur við gatnamótin á Bústaðavegi og Sogavegi þegar hann kom að lausamöl með vikri. Þá missti hann stjórn á hjólinu og þeyttist af því.

Á Facebook skrifar Bergþór Pálsson, söngvari og sambýlismaður Alberts, að Albert sé á batavegi, en viðbeinið brotnaði í þrennt og hann hlaut þungt högg á höfuðið. „Það þarf víst að opna til að tjasla því saman, vonandi eftir helgi. Heilahristingur fylgdi, en gaurinn ber sig vel.“

Bergþór bendir á að víða sé lausamöl á götum og gangstéttum sem getur skapað hættu fyrir hjólreiðafólk: „Í þessum blettum getur falist leynd hætta, sem ekki allir átta sig á.“

Færslu Bergþórs í heild sinni má finna hér.