fbpx
Laugardagur 13.september 2025
Fréttir

Sjáðu tölvupóstinn sem Helga Vala sendi: „Fórum á Klaustur“ – Lokkandi sól og bjór í krana

Ritstjórn DV
Fimmtudaginn 24. janúar 2019 09:10

Helga Vala Helgadóttir, formaður stjórnskipunar- og eftirlitsnefndar Alþingis. Samsett mynd/DV

Ekki missa af Helstu tíðindum dagsins í pósthólfið þitt

Lesa nánar

„Ég hef heyrt að sum­ir hafi sagt að ég hafi verið þarna á vinnu­tíma, eða þegar á þing­fundi stóð, þó að ég hafi verið bú­inn með mína ræðu. Þessi póst­ur er sönn­un á því að slíkt þekk­ist meðal þing­manna.“

Þetta segir Karl Gauti Hjaltason, þingmaður utan flokka, í samtali við Morgunblaðið í dag. Hann er einn þeirra sem sátu að sumbli á Klaustur bar í nóvember í fyrra.

Tölvupósturinn sem Karl Gauti vísar til hér að framan kom frá Helgu Völu Helgadóttur, þingmanni Samfylkingarinnar og nefndarmanni í umhverfis- og samgöngunefnd Alþingis. Karl Gauti situr einnig í sömu nefnd og kom umræddur tölvupóstur þann 1. júní síðastliðinn meðan á fundi nefndarinnar stóð.

DV hefur tölvupóstinn frá Helgu Völu undir höndum en titill hans er: „Fórum á Klaustur“

Í sjálfum póstinum stendur:

„Hér er lokkandi sól í garðinum og bjór í krana.“

Helga Vala var ein þriggja þingkvenna stjórnarandstöðunnar sem vék af fundi og fór á Klaustur bar þennan dag.

Á umræddum fundi þann 1. júní síðastliðinn lagði Hanna Katrín Friðriksson, þingmaður Viðreisnar, fram bókun þar sem því var harðlega mótmælt að stór hluti nefndarmanna stjórnarflokkanna væri ekki mættur. Þetta væri fullkomið virðingarleysi fyrir störfum nefndarinnar en í fundargerð kemur fram að Helga Vala hafi tekið undir bókunina.

Tvölupósturinn frá Helgu Völu barst klukkan 16.37 en samkvæmt fundargerð var fundi slitið klukkan 18.34. Í frétt Morgunblaðsins kemur fram að ástæða þess að Karl Gauti var látinn vita sú að hann var eini þingmaður stjórnarandstöðunnar sem var eftir á fundinum.

Af orðum Karls Gauta í Morgunblaðinu í dag má ætla að ekki sé óeðlilegt eða óalgengt að þingmenn fari saman á veitingahús og fái sér bjór. „Það er ekkert nýtt,“ segir hann. Aðspurður hvort gagnrýnin á fundinn á Klaustur bar í nóvember, þar sem sex þingmenn létu ýmis ósæmileg ummæli falla, hafi ekki snúist að því sem var sagt þar, segir Karl Gauti:

„Það hafa sumir verið að finna að því að men hafi verið þarna á vinnutíma.“

Karl Gauti er svo spurður eftirfarandi spurningar í Morgunblaðinu: „Þannig að ef aðrir gera eitthvað sem er rangt réttlætir það þá að þú gerir það?“

„Nei, nei, nei. É ger bara að segja að þetta er viðtekin venja. Margir þingmenn kannast við þetta og þetta er sönnun á því,“ segir hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Eiginkona Charlie Kirk birti ískyggilega færslu nokkrum tímum fyrir skotárásina

Eiginkona Charlie Kirk birti ískyggilega færslu nokkrum tímum fyrir skotárásina
Fréttir
Fyrir 23 klukkutímum

Snorri fær pillu frá ömmu sinni eftir færslu hans um Charlie Kirk – „Gegnsær populismi“

Snorri fær pillu frá ömmu sinni eftir færslu hans um Charlie Kirk – „Gegnsær populismi“
Fréttir
Í gær

Sólveig Anna sendir Kristrúnu skýr skilaboð: „Það yrðu mikil mistök fyrir núverandi stjórnvöld”

Sólveig Anna sendir Kristrúnu skýr skilaboð: „Það yrðu mikil mistök fyrir núverandi stjórnvöld”
Fréttir
Í gær

Þrjár verslanir opna í nýrri verslunarmiðstöð í Reykjanesbæ

Þrjár verslanir opna í nýrri verslunarmiðstöð í Reykjanesbæ
Fréttir
Fyrir 2 dögum

Charlie Kirk er látinn eftir skotárás

Charlie Kirk er látinn eftir skotárás
Fréttir
Fyrir 2 dögum

Gagnrýnir Ingu Sæland fyrir að vilja stytta rétt til atvinnuleysisbót um eitt ár – „Hún hefur steingleymt sínum minnsta bróður“

Gagnrýnir Ingu Sæland fyrir að vilja stytta rétt til atvinnuleysisbót um eitt ár – „Hún hefur steingleymt sínum minnsta bróður“