Sunnudagur 15.desember 2019
Fréttir

Mikið álag á bráðamóttöku – Fólki vísað á heilsugæslu og Læknavaktina

Ari Brynjólfsson
Miðvikudaginn 19. september 2018 15:59

Bráðamóttaka LSH.Mynd/DV

Ekki missa af Helstu tíðindum dagsins í pósthólfið þitt

Lesa nánar

Mikið álag er nú á Landspítala, einkum bráðamóttöku, vegna mikils fjölda sjúklinga sem leitað hefur til spítalans síðustu daga. Á bráðamóttöku Landspítala er sjúklingum forgangsraðað eftir bráðleika.

Í tilkynningu frá Landspítala segir að við þær aðstæður sem nú eru á spítalanum megi gera ráð fyrir að þeir sem ekki eru í bráðri þörf þurfi að bíða þjónustu eða verði vísað á heilsugæslustöðvar eða Læknavaktarinnar í Austurveri.

Landspítali hvetur því fólk með minniháttar veikindi eða smávægileg líkamstjón til að leita til sinnar heilsugæslu eða Læknavaktarinnar í Austurveri, ef kostur er. Þeir aðilar munu sinna fólki og vísa til Landspítala, ef þörf krefur.

Á höfuðborgarsvæðinu eru fimmtán heilsugæslustöðvar og eru þær að jafnaði opnar kl. 8-16 og eru allar með síðdegisvakt að minnsta kosti frá kl. 16-17 mánudaga til fimmtudaga. Sumar stöðvar eru með vakt til kl. 18 og á nokkrum stöðvum er líka opið á föstudögum. Nánari upplýsingar um opnunartíma er að finna á forsíðu hverrar heilsugæslustöðvar.

Læknavaktin í Austurveri við Háaleitisbraut með opna móttöku alla virka daga kl. 17-23:30 og um helgar frá kl. 9-23:30.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Fréttir
Fyrir 19 klukkutímum
Eggjastormur í vatnsglasi

Mest lesið

Ekki missa af

Fréttir
Í gær

Lík piltsins er talið fundið

Lík piltsins er talið fundið
Fréttir
Í gær

Aumingjasamfélagið

Aumingjasamfélagið