fbpx
Sunnudagur 26.maí 2019

DV - Frjáls og óháður miðill

Fréttir

Jón vill að líkum Kristins og Þorsteins verði komið heim: „Ég var þeirra ferðafélagi og átti að vera í þessu“

Ari Brynjólfsson
Mánudaginn 12. nóvember 2018 13:27

Kristinn og Þorsteinn

Ekki missa af Helstu tíðindum dagsins í pósthólfið þitt

Lesa nánar

„Þetta er búið að vera [erfitt] núna fyrir marga og mig, svona hlutir sem maður hefur hugsað um og bara næstum því á hverjum degi í 30 ár. Ég var þeirra ferðafélagi og átti að vera í þessu. Þannig að einhvern veginn er búið að vera í mér þetta hvað hefði skeð ef að ég hefði verið með þeim, hefði eitthvað breyst í þessu, eitthvað orðið öðruvísi,“ segir Jón Geirsson, félagi íslensku fjallgöngumannanna,sem fundust látnir í Nepal 30 árum eftir að þeir fórust, í samtali við RÚV.

Lík íslensku fjallgöngumannanna Kristins Rúnarsson og Þorsteins Guðjónssonar fundust nýlega í fjallinu Pumori í Nepal 30 árum eftir að þeir fórust. Það var bandarískur fjallgöngumaður sem fann líkin. Þegar hann leitaði á þeim fann hann skilríki þeirra og sá að þeir voru íslenskir.

Sjá einnig: Lík Kristins og Þorsteins sem fórust í Nepal fyrir 30 árum fundin

Jón ræddi við DV um hvarf þeirra Kristins og Þorsteins fyrr á þessu ári. Með þeim Jóni, Kristni og Þorsteini var Bretinn Stephen Aisthorp. Stephen átti í erfiðleikum með að aðlagast lofthæðinni, var orkulaus og með iðrakveisu. Jón veiktist af miklum hósta sem hann losnaði ekki við. Urðu þeir báðir frá að hverfa fyrir síðasta spölinn upp hrygginn.

Fjallið Pumori í Nepal er 7.161 metra hátt. Það er nálægt Everest, hæsta fjalli í heimi. Mynd/Wikimedia commons

Jón segir í samtali við RÚV í dag: „Þetta eru náttúrulega mikil tíðindi. Bæði léttir og svo náttúrulega kemur allt upp aftur. En auðvitað að geta fundið [þá] og kannski vitað hvað gerðist.“ Hann telur að þeir Kristinn og Þorsteinn hafi lent í slysi á leiðinni niður af þessu 7 þúsund metra háa fjalli: „„Að geta klárað þetta dæmi, sem sagt vita hvað hefur skeð og ef hægt er að koma líkunum heim og jarða þá heima.“

Kristinn og Þorsteinn eru ekki einu Íslendingarnir sem hafa farist á Pumo Ri. Ari Gunnarsson, þrítugur sjómaður, fórst þar í slysi árið 1991 en hann var í för með erlendum hóp. Bæði Kristinn og Þorsteinn létu eftir sig unnustu, unnusta Kristins var þá ófrísk að syni þeirra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 23 klukkutímum

„Pálmi Gestsson, þú veist hvar ég bý renni þér blóðið til skyldunnar“

„Pálmi Gestsson, þú veist hvar ég bý renni þér blóðið til skyldunnar“
Fréttir
Í gær

Sakfelld fyrir að aðstoða við tölvuglæp – „Framburður þeirra í hæsta máta ótrúverðugur“

Sakfelld fyrir að aðstoða við tölvuglæp – „Framburður þeirra í hæsta máta ótrúverðugur“