Hildur Gestsdóttir, fornleifafræðingur hjá Fornleifastofnun Íslands, greinir frá því á Twitter-síðu sinni að hún hafi fundið heldur óvenjulegan hlut í 600 ára gamalli gröf í Grænlandi. Hún segist hafa verið þar í síðasta mánuði og í nær öllum gröfum hafi fundist plast, þrátt fyrir að manngert plast hafi ekki komið á sjónarsviðið fyrr en á síðari hluta 19. aldar.

„Í síðasta mánuði var ég að grafa c.600 ára gamlar grafir á N. Grænlandi. Grafirnar eru grjóthlaðnar kistur sem lokaðar eru með grjóthellum, þannig að það eru glufur inn í kistuna. Við fundum plast í nánast öllum gröfunum, sem hafði augljóslega blásið þar inn,“ segir Hildur.

Hún segir að þetta sé merki um varla megi finna stað í heiminu þar sem ekki finnst plastmengun. „Ég held alls ekki að þetta þýði að ástandið sé eitthvað sérstaklega slæmt á Grænlandi – þetta er bara til marks um það að það er varla hægt að finna þann stað í heiminum þar sem ekki má finna plastmengun,“ segir Hildur.

Í síðasta mánuði var ég að grafa c.600 ára gamlar grafir á N. Grænlandi. Grafirnar eru grjóthlaðnar kistur sem lokaðar eru með grjóthellum, þannig að það eru glufur inn í kistuna.
Við fundum plast í nánast öllum gröfunum, sem hafði augljóslega blásið þar inn 1/2 pic.twitter.com/pPBgHmNlSO

— Dr. Hildur☠ (@beinakerling) October 10, 2018