Um kl. 19:00 í kvöld bárust lögreglunni á Norðurlandi eystra upplýsingar um að síðdegis í dag hafi sést til hvítabjarnar nyrst á Melrakkasléttu eða suður af Hraunhafnarvatni.
Samkvæmt tilkynningunni er ekki búið að staðfesta að um hvítabjörn sé að ræða, en lögreglan er sögð kanna málið og mun þyrla Landhelgisgæslunnar fljúga yfir svæðið til að taka af allan vafa.
Lögreglan vill koma því á framfæri við fólk á þessum slóðum, að hafa þetta í huga og hringja strax í 112 telji það sig sjá dýrið, en reyni ekki að nálgast það undir neinum kringumstæðum, af augljósum ástæðum.
Uppfært klukkan 04:00
Leit var hætt um klukkan hálf eitt í nótt en ekkert hafði sést til ísbjarnar á svæðinu. Ákvörðun verður tekin í fyrramálið um framhaldið.