Lögreglan á höfuðborgarsvæðinu handtók karl og konu um hádegisbil í dag í þágu rannsóknar hennar á umfangsmikilli vændisstarfssemi.
Fólkið, sem er á fertugs- og fimmtugsaldri og grunað um að standa að baki starfseminni, var handtekið í kjölfar húsleitar lögreglu á þremur stöðum í Reykjavík. Á tveimur þeirra voru enn fremur þrjár konur á þrítugsaldri. Til rannsóknar er hvort þær séu þolendur mansals og verða þeim fundin viðeigandi úrræði.
Við húsleitirnar var lagt hald á tölvu- og símagögn, auk fjármuna.
Í tilkynningu frá lögrelgu vegna málsins kemur fram að ekki sé unnt að veita frekari upplýsingar um málið að svo stöddu.