Ný könnun sem framkvæmd var af Common Sense Media hefur leitt það í ljós að einn af hverjum tveimur unglingum segist vera háður símanum sínum. 59% foreldra telja barnið sitt háð símanum sínum.

Rannsóknin var framkvæmd í Bandaríkjunum þar sem tekin voru viðtöl við 1.200 ungmenni á aldrinum tólf til átján ára og foreldra þeirra. 72 prósent aðspurðra fannst þykja mjög nauðsynlegt að svara strax textaskilaboðum, bæði á samfélagsmiðlum og SMS. 80 prósent sögðust kíkja á símann sinn á hverjum klukkutíma og 85% foreldra sögðu unglingana sína vera annars hugar þegar þeir væru almennt að nota tækin.

„Niðurstaða könnunarinnar sýnir breytt fjölskyldulíf árið 2016,“ sagði James P. Steyer, einn þeirra sem stóð fyrir rannsókninni og bætti því við að „það virðist vera sem fjölskyldur séu í minnihluta sem ráða ekki við að samþætta tækjanotkunina á heilbrigðan hátt.“