Frá og með september næstkomandi mun efni frá Disney, Marvel, Lucasfilm og Pixar verða aðgengilegt á Netflix. Frá þessu var greint í bréfi sem sent var á notendur á mánudag.

Enn sem komið er verður efni þessa kvikmyndavera einungis aðgengilegt á bandarísku útgáfu Netflix og óvíst hvort og þá hvenær þeir sem eru með íslenskan aðgang fái þennan aðgang. Dæmi um myndir frá þessum risum eru Avengers, Star Wars og Leitin að Nemó (Finding Nemo).

Evrópubúar mega samt sem áður eiga von á að sjá efni frá þessum risum í viðtækjum sínum, en þó ekki strax. Netflix hefur einnig staðfest að í efnisveitu fyrirtækisins munu Jurrassic Park myndirnar bætast við í sumar, sem og Óskarsverðlaunamyndirnar Back to The Future og Lethal Weapon.