Síðastliðinn mánudag viðraði leikkonan Vanessa Hudgens skoðun sína á kórnuveirunni og aðgerðum stjórnvalda að halda veirunni í skefjum. Hún kallaði aðgerðirnar „kjaftæði“ og sagði að það væri óhjákvæmilegt að fólk myndi deyja.
Vanessa var harðlega gagnrýnd fyrir ummæli sín og hefur nú beðist afsökunar á þeim.
Kjaftæði
Vanessa var að tala við aðdáendur sína í beinni útsendingu á Instagram. Hún kallaði aðgerðir stjórnvalda kjaftæði og sagði:
„Þetta er vírus. Ég skil það, ég virði það. En á sama tíma, þó svo að allir fá það, já fólk mun deyja, sem er hræðilegt. En samt… óhjákvæmilegt?“
Myndbandsklippa úr útsendingunni fór eins og eldur í sinu um netheima og var stjarnan harðlega gagnrýnd. Fjölmiðlar á borð við BBC, Sky News og The Boston Globe hafa fjallað um málið.
Vanessa Hudgens er með rúmlega 38 milljón fylgjendur á miðlinum. Gagnrýnin sneri meðal annars að því að hún væri að gera lítið úr kórónuveirunni á svona stórum vettvangi.
Á þriðjudaginn síðastliðinn svaraði Vanessa gagnrýninni og sagði að ummælin hefðu verið tekin úr samhengi. Nú hefur hún gefið út formlega afsökunarbeiðni og segir að viðbrögð almennings hafi gert henni grein fyrir alvarleika málsins.
High School Musical-stjarnan sagði að ummæli sín væru óviðeigandi. Þú getur lesið afsökunarbeiðni hennar í heild sinni hér að neðan.