Karlmaður segist vera háður því að horfa á klám, en kennir eiginkonu sinni um það. Hann leitar ráða til Dear Deidre, kynlífs- og sambandsráðgjafa The Sun.
„Ég er hamingjusamlega giftur en ég er háður klámi. Ég hef bæði sent og fengið send kynlífsmyndbönd og skilaboð frá ókunnugum konum á netinu og konan mín var að komast að því. En mér finnst þetta eiginlega henni að kenna,“ segir maðurinn.
„Ég hef verið að gera þetta í nokkur ár og reynt að hætta. Konan mín er mjög reið, hún hótaði að fara frá mér með drengina okkar tvo. Ég lofaði að þetta væri í fyrsta og eina skiptið sem ég gerði þetta, en hún verður að taka einhverja ábyrgð líka. Við erum á þrítugsaldri og stundum aðeins kynlíf tvisvar eða þrisvar í viku. Það er ekki nóg,“ segir hann.
„Í mínu landi eru reglurnar strangar, það er ekki í lagi að halda framhjá og stunda kynlíf utan hjónabands. Mig dreymir um að búa í opnu evrópsku samfélagi þar sem ég get gert það sem ég vil.“
Deidre bendir manninum á að í evrópskum löndum er yfirleitt ekki í lagi að halda framhjá makanum.
„Nema það sé gert með samþykki beggja aðila. Að halda framhjá er að halda framhjá, þó það sé á netinu. Þú ert að reyna að kenni henni um það en þú veist að það er rangt.“