Ástralska leikkonan Rebel Wilson lýsti yfir því í byrjun árs 2020 að það yrði „ár heilsunnar.“ Hún lýsti því yfir á Instagram og sagðist jafnframt ætla að forðast sykur og skyndibitamat á árinu.
„Hver er tilbúinn að gera jákvæðar breytingar með mér á nýju ári?“ spurði hún fylgjendur sína.
https://www.instagram.com/p/B6z53A8peHH/
Kórónuveirufaraldurinn hefur sett sitt strik í reikninginn hjá mörgum. En það virðist sem svo að það hafi ekki hindrað Rebel að ná markmiðum sínum. Hún hefur misst um 18 kíló og hefur verið mjög dugleg að deila ferlinu með fylgjendum sínum á Instagram.
Rebel Wilson og þjálfari hennar, Jono Castano Acero, hafa afhjúpað brögðin og brellurnar á bak við þyngdartap hennar í viðtölum og á Instagram. News.au tók þau saman.
https://www.instagram.com/p/B-rGHgLp9LR/
Rebel blandar saman ólíkum æfingum þegar hún er í ræktinni. Hún stundar lyftingar og HIIT (High Intensity Interval Training).
Frekar en að einblína á að léttast helling á stuttum tíma hefur Rebel lagt áherslu á jafnvægi, fara hægt og örugglega í hlutina. Árangur hennar hefur verið stöðugur frá byrjun árs. Þjálfari hennar sagði í viðtali við Yahoo að mataræði og prógrömm sem lofuðu niðurstöðum eftir aðeins nokkrar vikur væru ekki raunsæ til langtíma.
„Þú ættir aldrei að leita að auðveldustu leiðinni þegar kemur að breyta einhverju. Tveir mánuðir eru ekki nægur tími til að breyta líkama þínum,“ sagði hann.
Samkvæmt People byrjaði heilsuvegferð Rebel í fyrra þegar hún heimsótti áströlsku heilsumiðstöðina ViaMayr. Þar byrjaði hún að fylgja Mayr Method-prógramminu sem byggir á því að borða í takt við magaflóruna, borða hægt og tyggja oft, draga úr neyslu sykurs og mjólkurvara.
Þetta snýst ekki allt um að púla í ræktinni. Rebel fer líka í göngutúra og í fjallgöngur með vinum sínum. Þjálfari hennar sagði í viðtalinu við Yahoo að hann ráðleggur fólki að æfa fimm sinnum í viku og einblína á endurheimt tvo daga vikunnar.
„Endurheimt snýst um að teygja, fá nudd eða stunda létta hreyfingu, eins og að fara í göngutúr.“
https://www.instagram.com/p/B_zPYMcpiNq/
Rebel sagði frá því í Instagram-færslu í júlí, sem hún hefur nú eytt, að það séu margvíslegar ástæður fyrir því að hún hafi sett sér markmið að léttast.
Hún sagðist þurfa að breyta sér líkamlega því fólk eigi í mestu vandræðum með að sjá hana fyrir sér í alvarlegum hlutverkum. „Mér finnst ég þurfi að breytast líkamlega svo ég geti breytt leikferli mínum,“ segir Rebel sem fór með hlutverk í Shakespeare og Marlowe leikritum á árum áður. „Fólk tengir mig ekki við alvarleg hlutverk því það þekkir mig sem Fat Amy í Pitch Perfect svo ég er vísvitandi að taka að mér alvarlegri hlutverk.“
Hún sagði að hún vildi komast niður í 75 kíló á árinu en tók það fram að vinnan snúist ekki um einhverja tölu á vigtinni heldur líka andlega þættinum. Hún sagðist vera að skoða hvers vegna hún hafi borðað óhóflega í gegnum árin og sinna sjálfri sér á öllum sviðum.
