Stef er 25 ára. Eiginmaður hennar, Don, er 70 ára. Þau hafa verið saman í fimm ár, gift í eitt ár og eiga saman son.

Þau segjast finna reglulega fyrir fordómum gagnvart sambandi sínu en láta það ekki stoppa sig. Þau segja Barcroft TV sögu sína.

Elskaði hann strax

Stef var að vinna á bar þegar hún kynntist Don.

„Ég elskaði hann um leið og ég sá andlitið hans. Þetta var mjög skrýtið því ég hugsaði: „Þessi gaur er allavega 30 árum eldri en ég.“ En mér fannst hann svo myndarlegur og sjarmerandi, æi ég veit ekki. Ég var svo hamingjusöm í hvert skipti sem hann kom á barinn,“ segir Stef.

„Allir ættu að vera með einhverjum sem er 45 árum eldri en þeir.“

Fjölskyldan ekki hrifin

Fjölskylda Stef átti mjög erfitt með að samþykkja sambandið, sérstaklega þar sem Stef var aðeins tvítug á þessum tíma.

„Mamma mín var alls ekki hrifin af þessu, ekki heldur pabbi né bróðir minn. Þannig það var enginn með Don í liði,“ segir Stef.

„Þetta var frekar sjokkerandi, þar sem Don er jafngamall og pabbi hennar,“ segir Janet, móðir Stef.

„En við sögðum henni aldrei að hitta hann ekki, en hún vissi að við vorum ekki ánægð með þetta.“

Stolt

Hjónin segjast verða fyrir miklum fordómum vegna sambandsins. Þegar Don er út á göngu með syni sínum leiðréttir hann ekki fólk sem heldur að hann sé afabarn hans. Hins vegar segist Stef vera „háróma og stolt“ af sambandinu.

„Fólk var svo hræðilegt, alveg virkilega hræðilegt. Ég á enn erfitt með að trúa því,“ segir Stef.

„Ein helsta ranghugmyndin sem fólk hefur um mig er að ég sé í sambandinu fyrir lífstrygginguna eða ég sé „gull-grafari“ (e. gold digger), sem er bara fáránlegt. Við búum í húsi sem pabbi minn gaf okkur og ég er með vinnu.“

Óumflýjanlegt

Hjónin eru meðvituð að með aldursmuninum fylgi óhjákvæmileg afleiðing.

„Nokkrir í vinahópnum mínum sem hittast í bjór eru farnir að deyja. Ég hef aldrei verið hræddur við það að deyja. Þetta bara gerist,“ segir Don.

„Ég skal reyna að gefa þér einhverja aðvörun,“ segir hann við Stef

„Ég sagði við hann: „Ekki voga þér að deyja í svefni.“ Ég yrði svo reið,“ segir Stef.

Þú getur horft á þáttinn hér að neðan.