Kennarinn Amy Hodgson skammaðist sín svo mikið fyrir stærð sína þegar hún var í fríi á Íslandi að hún neitaði að vera á myndum með kærasta sínum. Hún hefur síðan þá misst 33 kíló. Hún segir frá þessu í viðtali við MyLondon.News.

Amy, 24 ára, tók ákvörðun um það að þegar hún myndi snúa aftur heim frá Íslandi þá ætlaði hún að breyta um lífsstíl. Hún byrjaði í Slimming World með systur sinni. Hún sagði skilið við skyndibitamat, snakk og sælgæti og skipti því út fyrir grænmeti, kartöflur og hrísgrjón.

Amy fór niður um tíu kjólastærðir og fór frá því að vera um 94 kíló í 61 kíló. Þetta gerði hún á aðeins 12 mánuðum.

Ástæðan fyrir því að hún ákvað að breyta um lífsstíl var eftir að hún fór í Bláa Lónið og starfsmaður rétti henni XXL slopp.

„Að heimsækja Ísland átti að vera besta ferð lífs míns, en mér finnst ég hafa eyðilagt hana vegna hvernig mér leið varðandi þyngd mína. Ég skammaðist mín í sundfötum og það er bara alls ekki ég. Áður en ég þyngdist var ég svo örugg með mig sjálfa og leið vel með mig sjálfa,“ segir hún.

„Þegar við fengum sloppana okkar þá var mér rétt slopp í stærð XXL, í sömu stærð og kærasti minn.“

Eftir Íslandsferðina fór hún í átak með systur sinni. Fyrir þetta hafði hún reynt hina ýmsu megrunarkúra en vildi nú gera heilbrigða breytingu til frambúðar.

„Ég fylgdi matarplani Slimming World og átti erfitt með að trúa hversu mikið ég mætti borða,“ segir Amy.

Mataræði Slimming World gengur út á að það megi borða svokallan „Frjálsan mat“ sem eru meðal annars kartöflur, pasta, hrísgrjón, magurt kjöt, fisk, egg, ávexti og grænmeti.

„Ég fór frá því að elda varla í það að vera kokkur hússins,“ segir hún.

Kærasti Amy tók ekki þátt í prógramminu en tókst að missa um 16 kíló aðeins með því að borða það sama og hún.