Love Island stjörnurnar Lucie Rose Donlan og Luke Mabbot eru að stinga saman nefjum.
Luke var í sjöttu þáttaröð raunveruleika þáttanna en Lucie í þeirri fimmtu. Daily Mail greinir frá.
Lucie og Luke voru bæði að setja inn myndir og myndskeið af sama staðnum á samfélagsmiðla sína sem glöggir fylgjendur tóku eftir. Fór svo að heppinn aðdáandi hitti parið í búð í Portsmouth og smellti af þeim mynd.
Luke var með Demi Jones úr sjöttu þáttaröð en ákváðu þau að slíta sambandi sínu fyrir mánuði. Samkvæmt heimildum hafa Lucie og Luke verið að tala saman í einangrun en nú þegar slakað hefur verið á boðum og bönnum vegna COVID-19 eru þau saman að njóta lífsins. Lucie hafði verið að gefa vísbendingar í Instagram færslum sínum en þar skrifaði hún meðal annars „Elsku magi, fyrirgefðu öll fiðrildin, þau eru ekki mér að kenna…heldur honum.“ Luke birti einnig mynd af sér og skrifaði „Síðan þú komst inn í líf mitt, þá brosi ég meira en ég gerði“.
