Óttast er um afdrif Glee stjörnunnar Naya Rivera eftir að fjögurra ára sonur hennar fannst einn um borð í bát á Piru-vatni í Kaliforníu. Leit hófst um leið af leikkonunni en henni var hætt þegar myrkva tók og er áætlað að hún hefjist aftur á fimmtudagsmorgni, um 13:00 á íslenskum tíma.
Sjónvarpsfréttastöðin KNBC sagði frá því að hin 33 ára Naya hafi leigt bátinn í skemmtisiglingu fyrir hana og son sinn. Er sonurinn sagðir hafa sagt viðbragðsaðilum að móðir hans hafi farið að synda og ekki náð til baka í bátinn. Lögreglustjórinn í Ventura sýslu, Eric Buschow, sagði á blaðamanna fundi að allt benti til þess að konan hafi drukknað af slysförum.
Rivera lék, eins og frægt er orðið klappstýruna Santana Powell í sjónvarpsþáttunum Glee. Var hún tilnefnd til Grammy verðlauna ásamt félögum sínum fyrir útfærslu sína á smellinum Don‘t Stop Believin‘ eftir hljómsveitina Journey. Rivera kom fram í 113 þáttum af sjónvarpsþáttunum vinsælu.
Rivera var um tíma í sambandi með Mark Salling. Salling framdi síðar sjálfsmorð eftir að hafa lýst sig sekan af vörslu barnakláms. Annar samleikari Rivera úr þáttunum lést árið 2013 af völdum of stórs skammts af heróíni og áfengisneyslu.
