Það er fátt sem gerist í lífi glamúrmódelsins og raunveruleikastjörnunnar Katie Price sem ekki ratar í fjölmiðla og þrettán ára afmælisdagur dóttur hennar var engin undantekning. Í tilefni dagsins fékk Princess nefnilega langþráða ósk sína uppfyllta þegar hún fékk sinni eigin Instagram reikning. Fyrsta myndin sem Princess birti var af henni ásamt hundinum Blade og bar yfirskriftina: „Ég er núna 13 ára og fékk loksins minn eigin Instagram reikning! Jeijj!“
Princess heitir fullu nafni Princess Tiaamii Crystal Esther Andre og er dóttir Katie og söngvarans Peter Andre. Katie og Peter voru gift í fimm ár og eiga saman Princess og Junior en alls á Katie 5 börn. Harvey sem er átján ára á Katie með fótboltakappanum Dwight York og yngstu tvö, Jett og Bunny, á hún með Kieran Hayler, en þau skildu árið 2018.
Princess er vön athyglinni því auk þess að eiga fræga foreldra hefur líf hennar undanfarin ár verið til sýnis í raunveruleikaþáttunum Katie Price: My Crazy Life sem, líkt og titillinn gefur til kynna, fjallar um líf og störf móður hennar. Sjálf segist Princess stefna á að verða söngkona. Hún hefur æft sig í hljóðveri með pabba sínum og hyggst vera með eigin YouTube rás svo hún geti komið sér á framfæri. Þar ætti Instagram einnig að koma að góðum notum en á fyrsta deginum var hún komin með 35.000 fylgjendur og þegar þetta ritað er fjöldinn kominn í 66.600.