Ljósmyndarinn Sophie Gamand hefur starfað sem sjálfboðaliði í dýraathvörfum um öll Bandaríkin seinustu níu ár. Hún ferðast um landið og tekur myndir af hundum til að hjálpa þeim að finna heimili.
Árið 2016 fór Gamand á Calhoun County Humane Society-athvarfið í Alabama. Þar tók hún myndir af 54 hundum og síðan hafa flestir þeirra verið ættleiddir. Hundurinn Grey hefur hinsvegar ekki verið ættleddur. Hann var meira að segja búinn að vera í atharfinu í nokkur ár áður enn Gamand kom. Bored Panda greinir frá þessu.
Fyrir skömmu fór Grey aftur í myndatöku, í þetta skipti hjá hjá Wags to Riches Photography, fyrirtæki sem gerir svipaða hluti og Gamand, myndar heimilslausa hunda svo þeir finni heimili.
Þegar að gömlu myndirnar af Grey og þær nýju eru bornar saman kemur sorgleg breyting í ljós. Feldurinn í kringum augu Grey hefur þinnst og gránað, hann virðist alvarlegri og sorgmæddari. Hann er að eldast og því miður í atharfi.
Grey ólst upp á bóndabæ ásamt móður sinni og bróður, en enduðu síðan í athvarfinu. Bæði bróðirinn og móðirn voru ættleidd á meðan að Grey varð eftir. Bróðir
„Það er sorglegt að sjá hversu ólíkar leiðir bræðurnir hafa farið,“ Sagði Gamand um Grey. „Hann elskar fólk. Hann elskar að fá nammi og tekur glaður við því. Hann hefur lært að leika og hefur verið góður hvutti í gegnum árin.“
Grey á við eitt vandamál að stríða. Samskipti við aðra hunda eru honum erfið. Hann þyrfti að vera eina gæludæýrið á heimilinu og það fækkar mögulegum ættleiðendum umtalsvert. Svona hefur það verið í gegnum árin, aðrir hundar hafa verið ættleiddir í staðinn fyrir hann aftur og aftur, en hann orðið eftir.
Hér má sjá myndirnar af Grey.
