Sundfatatískan er mörgum óskiljanleg. Við höfum áður fjallað um sundfötin á tískupöllunum og bikiníbuxurnar sem gerðu allt brjálað. Ekki má svo gleyma „nektar-bikiníinu“ sem vakti talsverða athygli í október í fyrra.
Nú er það netverslunin vinsæla Fashion Nova sem er að valda usla með agnarsmáum bikiní buxum.
Verslunin er þekkt fyrir að selja klæðnað í djarfari kantinum. En nú finnst mörgum fyrirtækið hafa gengið aðeins of langt.
Á dögunum deildi Fashion Nova mynd af nýju bikiníi með hlébarðamynstri. Fyrirtækið er með yfir 18 milljón fylgjendur á Instagram og vakti myndin fljótt athygli netverja.
Bikinítoppurinn er ekki frábrugðinn öðrum toppum, en mörgum þóttu buxurnar það litlar að helst þyrfti að ritskoða myndina.
„Buxurnar eru eins og tyggjóbréf,“ skrifaði einn netverji.
„Þær myndu hverfa ef ég myndi klæðast þeim,“ skrifaði annar.
„Þetta hlýtur að vera djók,“ skrifaði einn fylgjandi við myndina.
Þetta er ekki í fyrsta sinn að Fashion Nova hneykslar fylgjendur sína með djarfri hönnun.
Í fyrra kröfðust viðskiptavinir þess að verslunin fjarlægði mynd af fyrirsætu af því að „píkan hennar lafði út“.
