Turtildúfurnar Fransiska Björk Hinriksdóttir og Gunnar Nelson eignuðust dóttur í lok október á síðasta ári, en sú stutta fékk nýlega nafnið Míra Björk. DV lék því forvitni á að vita hvernig nýbökuðu foreldrarnir ættu saman, ef einungis er litið til stjörnumerkja.
Fransiska og Gunnar fæddust bæði í júlí, hún er krabbi og hann ljón. Krabbinn og ljónið skilja hvernig á að uppfylla tilfinningalegar þarfir hvort annars. Krabbinn leitar að stöðugleika og andlegum samhljómi og ljónið þráir aðdáun og hrós. Bæði merki eru trygglynd og leggja sig fram við að ástarsambandið verði langlíft. Þrár merkjanna eru svipaðar og því geta þau fyllt upp í tómarúm í lífi hvort annars.
Ljónið lætur meira fyrir sér fara í þessu sambandi, en krabbinn leggur meira upp úr öryggi heima fyrir. Bæði merki eru með mikinn viljastyrk og sterkar skoðanir. Því þurfa þau alla tíð að leggja sig mikið fram við að skilja hvort annað, sem og taka hvort annað í sátt, með öllum kostum og göllum.
Það má í raun líkja Fransisku og Gunnari við tunglið og sólina. Sólin (Gunnar) skín skært og veitir orku. Tunglið (Fransiska) skapar djúp tilfinningatengsl og er umönnunaraðili í eðli sínu. Þessi blanda er ástæðan fyrir því að sólin og máninn styðja hvort annað út í það óendanlega.
Fransiska
Fædd: 4. júlí 1992
Krabbi
-þrjósk
-með frjótt ímyndunarafl
-full af samkennd
-trygg
-svartsýn
-óörugg
Gunnar
Fæddur: 28. júlí 1988
Ljón
-þrjóskur
-gjafmildur
-hjartahlýr
-húmoristi
-latur
-ósveigjanlegur
