Jenna Jameson er stjörnusérfræðingur ketóliða, eða ketódrottningin eins og hún kallar sig sjálf. Hún hefur misst tæplega 40 kíló síðan hún byrjaði á ketó í apríl 2018.

Fyrrum klámstjarnan er dugleg að deila ýmislegu ketó tengdu á Instagram, eins og hvernig hún nær árangri á mataræðinuog tólf ráðum sem hjálpuðu henni.

En hún segir að ketó mataræðið sé ekki það eina sem hefur hjálpað henni að léttast. Þegar þyngdartap hennar staðnaði kom hún sér aftur af stað með því að stunda „tímabundna föstu“ (e. intermittent fasting). Hún tók sér hlé frá því um daginn en er að koma sér aftur í gang.

Hún segir frá því hvað það gerir fyrir líkama hennar að fasta. Hún segist vakna í kjölfarið með flatan maga og ekki eins útblásin.

„Nú þegar ég hef byrjað að fasta aftur þá tek ég eftir miklum mun á kviðsvæði mínu. Ég vakna með flatan maga og lítið sem ekkert útblásin. Ég hef ekki misst einhver kíló, en það virðist sem þyngdin hefur endurdreift sér!“ Skrifar Jenna á Instagram.

Hún fer yfir hvernig týpískur dagur lítur út. Hún fastar venjulega í 17 tíma, frá 18:00 til 11:00 næsta dag, stundum fastar hún til hádegis. Svo borðar hún á milli 11:00/12:00 og 18:00.

„Á meðan ég fasta drekk ég aðeins vatn, svart kaffi, espresso eða te,“ skrifar Jenna.

„Þó svo að þú sért ekki á ketó, þá mæli ég mikið með því að prófa tímabundna föstu!“

Dóttir Jennu er enn á brjósti en þegar hún hættir á brjósti segist Jenna vera spennt að prófa OMAD, sem þýðir one meal a day, eða ein máltíð á dag. Sem snýst um eins og nafnið gefur til kynna, að einstaklingur borðar aðeins eina máltíð á dag.

https://www.instagram.com/p/B1uiZrYBj7d/?utm_source=ig_embed