Hefurðu setið í fullum strætó eða lest og staðið upp og boðið einhverjum sætið þitt? Kannski gömlum manni, fötluðum einstakling eða óléttri konu?
En, og þessu er beint til karlmanna, myndir þú standa upp og bjóða konu sætið þitt?
Einn maður telur að karlmenn eigi ekki að bjóða konum sæti vegna þess að konur hafa aldrei boðið honum sætið sitt.
Nirpah Dhaliwal, 45 ára, viðrar skoðun sína á málinu í Good Morning Britain.
„Í fyrsta lagi, ef kona er ófötluð, af hverju ætti ég að gera það? Menn borga jafn mikið og konur fyrir lestamiða. Þeir vinna langan vinnudag og eru þreyttir, og ef hún er líkamlega fær, af hverju ætti ég að bjóða henni sætið mitt? Ef hún er ólétt eða á við heilsu- eða líkamlegt vandamál að stríða, já [þá stend ég upp].“
Hvað segja lesendur? Ættu karlmenn að standa upp í strætó og öðrum samgöngum og bjóða konum sætið sitt?
