Tónlistarmaðurinn Ásgeir Trausti Einarsson og fegurðardrottningin Hugrún Birta Egilsdóttir opinberuðu nýverið samband sitt, en þau höfðu farið leynt með það um dálitla hríð. Hamingjan geislar af þeim og því ákvað DV að spá aðeins í stjörnumerkin og hvernig þau eiga saman.
Þótt Ásgeir og Hugrún deili afmælismánuði eru þau hvort í sínu merkinu – hann er krabbi en hún er ljón. Þessi merki eiga einstaklega vel saman því það sem einkennir þau bæði er trygglyndi og heiðarleiki. Krabbinn og ljónið ná að uppfylla tilfinningalegar óskir og þarfir hvort annars en þau leita að nánd af misjöfnum ástæðum. Krabbinn leitar að stöðugleika og tilfinningalegu jafnvægi á meðan ljónið þráir að makinn sé því trúr, blíður og góður.
Krabbinn og ljónið geta vel fyllt upp í tómarúmið hvort í lífi annars en þar sem bæði merkin eru viljasterk og ákveðin þurfa þau að varast að troða ekki hvort öðru um tær. Hér þarf allt að snúast um samvinnu, gagnkvæma virðingu og traust.
Ásgeir
Fæddur: 1. júlí 1992
krabbi
-hugmyndaríkur
-traustur
-geðþekkur
-þrjóskur
-svartsýnn
-óöruggur
Hugrún
Fædd: 24. júlí, 1995
ljón
-hugmyndarík
-ástríðufull
-örlát
-fyndin
-þrjósk
-ósveigjanleg