Rússneska ofurfyrirsætan Irina Shayk er stödd á Íslandi í vinnuferð fyrir ítölsku tískufyrirtækin Falconeri og Intimissimi, en hún hefur merkt þau bæði í myndum á Instagram og í Instagram story. Shayk hefur unnið fyrir það síðarnefnda, vinsælt undirfatamerki í fjölda ára, en fyrsta stórverkefni hennar var fyrir það fyrirtæki fyrir 12 árum síðan.
Irina er með um 12 milljónir fylgjenda á Instagram og því um frábæra landkynningu að ræða eins og ávallt þegar þekktir einstaklingar heimsækja landið.
Á laugardag birti Shayk mynd af sér við Jökulsárlón og Ali Kavoussi, eigandi umboðsskrifstofunnar The Lions birti mynd af þeim ásamt ljósmyndaranum Giammpaolo Squra með orðunum: „Skoða Ísland með ástunum mínum.“
Í dag birti Shayk síðan mynd af sér fáklæddri við ónefndan foss.
Eins og þekkt þá er Irina nýskilin við barnsföður sinn og unnusta, Bradley Cooper, leikara og framleiðanda með meiru. Þau eiga saman eina dóttur, sem er tveggja ára. Shayk var áður unnusta knattspyrnukappans Cristiano Ronaldo frá 2010-2015.
