Það er fátt meira áberandi á samfélagsmiðlum en myndir af litlum börnum, við hinar ýmsu aðstæður þrátt fyrir að fjölmargir sérfræðingar, í málefnum barna, hafi talað á móti því.
Flestir foreldrar taka upp símann þegar barnið krúttar yfir sig, og setja myndirnar á Facebook, Instragram, eða aðra samfélagsmiðla, í þeim tilgangi að fá viðbrögð frá vinum og vandamönnum.
Það sem fæstir gera sér þó grein fyrir er að þegar myndin er kominn inn á samfélagsmiðla þá á miðilinn myndina. Sömuleiðis geta myndirnar ratað í rangar hendur.
Hér að neðan má sjá 8 tegundir af myndum sem þú ættir aldrei að setja á veraldarvefinn:
Mörgum foreldrum finnst það krúttlegt þegar andlitið, munnurinn, jafnvel hár og klæðnaður barnsins er útataður í mat. En það er ekkert sérstaklega skemmtileg fyrir barnið, sérstaklega þegar það eldist, að sjá myndir af sér við þessar aðstæður.
Aldrei, aldrei setja mynd af annarra manna börnum á netið, án þess að vera búin/n að fá leyfi til þess áður.
Þú myndir væntanlega ekki vilja sjá mynd af þér sitjandi á klósettinu, hvað þá barnið þitt.
Það getur verið freistandi að sýna mynd af veika barninu til að fá smá samúð frá umheiminum. En vittu til, þú myndir sjálf/ur ekki vilja að nánast hver sem er ætti kost á því að sjá þig upp á þitt versta.
Margir brosa út í annað þegar lítið barn grætur og öskrar úr sér lungun yfir mótlæti lífsins. Það getur jú verið skoplegt en á sama tíma þarf ekki að deila því með öllum þegar við förum í vont skap.
Hvort sem þú ert með prívat aðgang, eða ekki, þá ættir þú aldrei að deila myndum af barninu þínu í litlum eða engum fötum.
Þumalputtareglan er sú að þú ættir að spyrja sjálfa/n þig hvort þú myndir birta viðkomandi mynd af sjálfum þér áður en þú lætur hana inn á veraldarvefinn.
Það virkar sakleysislegt að setja mynd af litla krúttinu sínu, sleikjandi íspinna, á netið. En mörg dæmi eru um að slíkar myndir hafi ratað í rangar hendur og íspinnanum skipt út, á myndinni, fyrir eitthvað allt annað og ógeðslegra.