Er þetta krúttlegasta jólagjöf allra tíma? Hin eins árs gamla, Minnie, sem er af tegundinni Golden Retriever fékk jólagjöf frá eigendum sínum. Jólagjöfin var þó ekki alveg hefðbundin, en hún innihélt ekki stórt bein, hundanammi eða hundadót, heldur lítinn átta vikna gamlan hvolp sem heitir Parker.

Eigandi Minnie, Nicolette Hall sagði í samtali við Metro að Minnie á það til að vera mjög kvíðin og hræðist auðveldlega. Henni datt því í hug að fengi hún nýjan vin á heimilið gæti henni liðið betur.

Minnie fékk því að opna jólagjöfina sína snemma í ár, en Nicolette fékk Parker afhentan 19. desember. Nicolette sem er frá Texas segist hafa verið virkilega ánægð með það hversu vel Minnie tók við Parker en þau urðu strax bestu vinir.

„Þetta var bara eins og ást við fyrstu sín, Minnie hefur alltaf elskað aðra hunda og að eiga sinn eigin vin núna hjálpar henni vonandi að vaxa og koma úr skelinni. Hann mun vonandi hjálpa henni að verða hugrakkari!“

Myndbandið má sjá hér fyrir neðan: