Ég var greinilega í algjörum DIY ham árið 2015, en Facebook var að minna mig á jólakúlukransinn sem ég bjó til fyrir jólin það ár. Hann er mjög einfaldur og hrikalega fallegur þó ég segi sjálf frá.
Ég notaði vírherðatré (þið vitið þessi sem maður fær þegar maður sækir föt í fatahreinsun) sem ég tók í sundur og mótaði úr því hring.
Þræddi því næst jólakúlur upp á herðatréð hverja á fætur annarri þar til herðatréð var orðið fullt og lokaði síðan herðatrénu aftur.
Ég setti síðan slaufu á toppinn og VOILA tilbúinn þessi glæsilegi jólakrans.
Færslan er skrifuð af Jóhönnu Maríu og birtist upphaflega á Amare.is
