Söngkonan Jessie J opnaði sig um þá erfiðu staðreynd á mánudaginn að hún getur ekki eignast börn. Jessie fékk fréttirnar fyrir fjórum árum síðan en hefur haldið þeim leyndum þar til nú.

Söngkonan hefur þó gefið út að hún ætli sér að verða móðir á annan hátt.

„Mér var greint frá því fyrir fjórum árum síðan að ég get ekki eignast börn. Ég er ekki að segja ykkur frá þessu til þess að fá samkennd þar sem ég er ein af milljón konum og körlum sem hafa gengið í gegnum þetta og munu ganga í gegnum þetta. Þetta má ekki verða eitthvað sem skilgreinir okkur en ég vildi semja þetta lag fyrir sjálfa mig, fyrir þau augnalbik sem ég er sár og leið til þess að veita sjálfri mér gleði og til þess að gefa öðru fólki sem er að ganga í gegnum erfiðleika eitthvað sem þau geta hlustað á. Svo ef þú hefur einhvern tímann upplifað eitthvað í líkingu við þetta, eða þekkir einhvern sem hefur gengið í gegnum það að geta ekki eignast barn eða hefur misst barn, vitiði þá að þið eruð ekki ein og ég hugsa til ykkar þegar ég syng þetta lag,“ sagði Jessie á tónleikum áður en hún söng lagið Four Letter Word en Metro greindi frá.

Jessie er í sambandi með leikaranum Channing Tatum en hann á fjögurra ára gamla dóttur, Everly með fyrri eiginkonu sinni Jenna Dewan.