Allir hafa sína sögu að segja og í raun erum við mótuð af því sem við höfum gengið í gegnum. Fórnarlömb ofbeldismanna/kvenna eru oft miklu brotnari en aðrir aðilar og því kannski í raun miklu sterkari tilfinningalega séð og andlega heldur en aðrir,“ skrifar Ólöf Gunnarsdóttir í færslu sinni á Vynir.is
Ofbeldi lýsir sér í svo mörgum myndum og er því mjög algengt að fólk hafi orðið fyrir einhverskonar ofbeldisverknaði í gegnum ævina.
En hver saga er mikilvæg og ég vill að fólk klappi sér á bakið og segi við sjálfa sig ,,ég er sterkari í dag en í gær“ ef þau hafa komist í gegnum erfiðar aðstæður og standa enn með höfuðið hátt því við erum svo sannarlega sannar hetjur að standa ennþá í lappirnar eftir að hafa verið hrint niður mörgum sinnum.
Ofbeldismönnum mun aldrei vera fyrirgefinn verknaðurinn sem þau kostuðu okkur en við getum þakkað fyrir það að vera mun næmari þegar kemur að samskiptum við aðra og miklu varkárari gagnvart ákveðnum karakterum. Við erum þau sem höldum á keflinu í lokasprettinum og förum með það yfir endalínuna.
Við sýnum skilning þegar fólki líður illa og erum miklu líklegri til þess að vera til staðar þegar eitthvað bjátar á, en að sjálfsögðu eru allir sannir vinir til staðar fyrir þá sem þurfa mest á því að halda
Ég veit að ég segi þetta oft og mun ábyggilega halda áfram að gera það en ég tengi ofboðslega mikið við tónlist og langaði að deila lagi hér sem talar í raun mikið fyrir hönd okkar sem höfum gengið í gegnum erfiðar aðstæður.
Stutt og laggóð færsla en þörf áminning fyrir þá sem eru stundum að gefast upp,
Áfram við, Ólöf
Færslan er skrifuð af Ólöfu og birtist upphaflega á Vynir.is