Hin 42 ára gamla Sue Radford hefur tilkynnt að hún sé barnshafandi. Þetta væri vart í frásögur færandi nema fyrir þær sakir að Sue gengur nú með sitt tuttugasta og fyrsta barn. Sue og eiginmaður hennar, Noel 46 ára, eru greinilega hvergi nærri hætt.
Sue eignaðist tuttugasta barnið í september síðastliðnum og við tilefni tilkynnti hún að ætlaði sér ekki eða eignast fleiri börn. Það loforð entist ekki lengi og nú, átta mánuðum síðar, er Sue orðin ólétt á nýjan leik.
Hjónin tilkynntu þetta á Instagram á dögunum og er óhætt að segja að hamingjuóskunum hafi rignt yfir þau. Ekki liggur fyrir hvort um er að ræða strák eða stúlku en hjónin eiga ellefu drengi og níu stúlkur. Hjónin eignuðust fyrst soninn Chris sem er 28 ára en þá var Sue einungis 14 ára. Annað barnið kom í heiminn þegar Sue var 17 ára. Síðan hafa þau haldið áfram að eignast börn og er nú það tuttugasta og fyrsta á leiðinni sem fyrr segir.