Þegar Kristen Kidd fann út að kærastinn hélt fram hjá henni ákvað hún að biðja Internetið um aðstoð. Hún sagði frá fyrrverandi kærastanum sínum inni á Facebook hópnum Girls LOVE Travel. Hún deildi tveimur myndum af sér og fyrrverandi í hópnum og bað fólk um að photoshoppa hann úr myndunum. Myndirnar umræddu voru úr ferðalagi þeirra um heiminn en hann hélt fram hjá henni stuttu eftir að þau komu heim.
„Getur einhver photoshoppað fyrrverandi kærastann minn úr myndunum? Hann hélt fram hjá mér eftir að ég borgaði ferð fyrir okkur til Evrópu, Kína og Taílands.“
Internetið er eins og það er, og það eru ávallt einhverjir netverjar sem eru tilbúnir í slaginn. Hún fékk yfir 500 photoshoppaðar myndir til baka og yfir 3 þúsund manns „líkuðu“ við færsluna.
Sjá einnig: Fyrrverandi kærastinn var á öllum ferðamyndunum – Fann snilldarlausn
Myndirnar sem hún fékk sendar frá netverjum eru vægast sagt sprenghlægilegar. Á sumum myndum er búið að breyta fyrrverandi kærastanum í frægan einstakling, eins og hinn þokkafulla Ryan Gosling. Aðrir netverjar tóku brandarann aðeins lengra og breyttu honum í mat, eins og hamborgara eða kjúklinganagga.
Sjáðu nokkrar af bestu myndunum hér að neðan:
Viðbrögðin komu Kristen á óvart og var hún mjög þakklát fyrir allan stuðninginn sem hún fékk.
