En samkvæmt nýlegri bandarískri rannsókn eru Bandaríkjamenn í dag eigi að síður að stunda minna kynlíf en landar þeirra gerðu fyrir 10 árum.
Á árunum 2010 til 2014 stundaði meðal Bandaríkjamaðurinn kynlíf níu skiptum sjaldnar yfir árið, en meðal Bandaríkjamaðurinn gerði á árunum 2000 til 2004. Ef aðeins er horft á fólk í hjónabandi eru skiptin mun færri, eða 16 talsins yfir árið.
En hvað er það sem veldur því að fólk stundar kynlíf sjaldnar þrátt fyrir augjósan ávinning fyrir heilsuna? „Við getum einungis komið með ágiskanir,“ segir Jean Twenge, prófessor í sálfræði við San Diego háskólann og forsvarsmaður rannsóknarinnar. „Aukinn tími sem fer í vinnu og barnauppeldi getur útskýrt færri skipti hjá giftum einstaklingum. Einnig getur framboð á aukinni afþreyingu haft áhrif. Það er svo margt sem keppir um frítíma fólks.“
En þrátt fyrir færri skipti og færri klukkustundir sem við stundum kynlíf, erum við ekki hætt að stunda það. Fullorðinn einstaklingur stundar að meðaltali kynlíf í 54 skipti á ári eða aðeins oftar en einu sinni í viku, sýna niðurstöðurnar. Gift pör aðeins sjaldnar, eða 51 skipti á ári.
Það er hið besta mál, þar sem kynlíf einu sinni í viku er ákjósanlegt ef þú vilt auka hamingju þína samkvæmt rannsókn Amy Muise við York háskólann í Kanada. „Kynlíf eykur hamingjuna í sambandi,“ segir Muise. Merkilegt nokk virtist hamingjan hins vegar ekkert meiri, þó að pörin stunduðu kynlíf oftar en einu sinni í viku, eitt skipti dugar til.
Það má vera erfitt að finna orsök og afleiðingu þegar kemur að kynlífi og heilsu. Að lifa hamingjusömu og heilbrigðu lífi leiðir oft til meira kynlífs, en athöfnin sjálf hefur ekki endilega í för með sér betri líkamlega og andlega heilsu. Engu að síður, hvort sem kynlíf er orsök eða afleiðing, þá er heilbrigt kynlíf heilsunnar virði.
