Leikkonan Angelina Jolie er nýtt andlit Guerlain Parfumeur. Angelina á að hafa verið innblásturinn á bak við ilminn Mon Guerlain og mun hún birtast í auglýsingaherferð fyrir ilmvatnið. Þetta vekur athygli þar sem Angelina hefur ekki gert svona samning síðan hún var andlit Shiseido á Asíumarkaði árið 2007. Það kemur samt eflaust engum á óvart að Angelina ætlar að gefa allar tekjur sínar fyrir Guerlain herferðina til góðgerðarmála.
„Við sköpum ilmi fyrir konurnar sem við dáumst að,“ sagði Jacques Guerlain við ELLE um þetta val. Auglýsingaherferðin er ekki byrjuð en þessi mynd var birt til þess að tilkynna samstarf Guerlain við Angelinu.
