Flestar mæður þekkja breytingarnar sem fylgja því að ganga með barn en ekki allar áttu von á þeim áður en þær urðu barnshafandi. Alexandra Kilmurray frá Fort Lauderdale í Flórída vakti gríðarlega mikla athygli með mynd sem hún birti á dögunum á Instagram af líkama sínum eftir tvær meðgöngum. „Það tók mig 18 mánuði að komast hingað, 18 mánuði að gráta ekki í hvert skipti sem ég leit í spegil, 18 mánuði að líða loksins falleg í mínu eigin skinni aftur,“ skrifaði Alexandra meðal annars við myndina.
„Enginn varar þig við dökku hliðum móðurhlutverksins og meðgöngunnar… enginn lætur þig vita af því hversu mikið þú breytist andlega og líkamlega eftir að þú verður móðir.“
Alexandra segir að þetta hafi verið langt ferðalag fyrir sig. Nú loksins hefur hún séð ljósið, 18 mánuðum eftir fæðingu eldri sonar síns og fimm mánuðum eftir seinni fæðinguna. Segir Alexandra að tilfinningin sé dásamleg og hrósar öllum þeim mæðrum sem kljást við fæðingarþunglyndi.
https://www.instagram.com/p/BPLpQeJA2ph/
