Þegar fjölskylda frá Missisippi tók ákvörðun um að leyfa tólf ára dóttur sinni að taka þátt í fæðingu litla bróður síns bjuggust þau ekki við því að hún myndi enda á því að taka á móti honum og klippa á naflastenginn hans, en læknirinn sem var viðstaddur fæðinguna bauð Jacee Dellapenna að aðstoða sig á lokaspretti fæðingarinnar og gerði hún það.

Fjölskyldan tók myndir af atvikinu og setti á Facebook síðu sína fljótlega eftir fæðinguna og stuttu síðar voru þær komnar í dreyfingu út um allt internetið vegna þess hve einlægar og fallegar þær eru.

Móðirin, Dede Carraway segist ekki verða hissa ef Jacee ákveði að verða læknir í framtíðini, þar sem áhugasvið hennar breyttist mikið í kjölfar þess að fá að vera viðstödd fæðinguna og nú hefur hún virkilegan áhuga á læknisvísindunum.

Jacee bað sjálf um að fá að vera viðstödd fæðinguna og þótti fjölskyldunni það sjáflsagt mál þó þau viðurkenni að þau bjuggust ekki við því að hún myndi taka svona mikinn þátt. Dede er mjög ánægð með ákvörðunina og er viss um að reynsla dóttur hennar muni koma henni að góðu gagni í framtíðinni þegar hún mun sjálf eignast sín börn.

„Konur verða oft ekki vitni að fæðingu fyrr en þær eignast sjálfar börn og vita því ekkert hvað þær eru að fara út í og margt sem getur komið á óvart“

segir Dede. Svipurinn á Jacee sýnir hreina ánægju og gleði yfir nýja lífinu sem hún fær í hendurnar.