Mandy Harvey missti heyrnina fyrir tíu árum þegar hún var átján ára. Hún fór í áheyrnarprufu í America‘s Got Talent á dögunum og mætti túlkur með henni. Mandy hefur elskað að syngja síðan hún var aðeins fjögurra ára gömul en eftir að hún missti heyrnina þá hætti hún.
Hún ákvað að láta heyrnarleysið ekki stoppa sig og notar önnur skynfæri en heyrn til að syngja og spila tónlist. Mandy söng frumsamið lag í áheyrnarprufunni og það er óhætt að segja að hún gjörsamlega heillaði allar upp úr skónum, þá sérstaklega Simon Cowell en hann gaf henni gullhnappinn sem þýðir að hún kemst beint í undanúrslit.
Myndbandið af Mandy syngja hefur slegið í gegn og hafa yfir 34 milljón manns horft á myndbandið á Facebook. Horfðu á það hér fyrir neðan.
