Scott Disick barnsfaðir og fyrrverandi kærasti Kourtney Kardashian sást eiga notalegar stundir með raunveruleikastjörnunni og leikkonunni Bellu Thorne. Þau fóru saman til Frakklands vegna Cannes kvikmyndahátíðinnar og sást til þeirra hafa gaman í sólinni á miðvikudaginn. Þau voru við sundlaugina að hlusta á tónlist, kyssast og fá sér vín. „Þau voru að hlæja og skemmta sér,“ sagði heimildarmaður E! News.
„Þau eyddu öllum deginum að kúra saman og reyna við hvort annað. Þau kysstust nokkrum sinnum og á einum tímapunkti lá Bella ofan á Scott og hann strauk henni um hárið. Þegar Scott fékk FaceTime símtal þá var Bella að fíflast í bakgrunninum.“
Samkvæmt öðrum heimildarmanni E! News er Scott að nota tíma sinn með Bellu til að fara í taugarnar á Kourtney Kardashian. Bleikt greindi frá því um daginn að Kourtney væri komin með nýjan kærasta, Younes Bendjima. Kourtney og Younes eru einnig stödd í Frakklandi og eru aðeins í tíu mínútna fjarlægð frá Scott og Bellu.
„Scott tók Bellu með til Frakklands hundrað prósent til að pirra Kourtney. Þetta er mjög: „Sjáum hvernig þetta lætur þér líða“ sem Scott er að gera. Þetta er barnalegt en þetta er Scott,“
sagði heimildarmaðurinn.
Annar heimildarmaður segir að Younes sé ekki eins og Scott. „Kourtney og Younes eru að skemmta sér mjög vel saman. Hún kann rosalega að meta hvað hann er ábyrgur og að hann djammi ekki. Hann er andstæðan við Scott á marga vegu og það hefur verið frábær upplifun fyrir Kourtney.“
