Magnea Einarsdóttir er fatahönnuðurinn á bak við merkið MAGNEA sem er eitt þeirra sem við fáum að sjá á Reykjavík Fashion Festival í Hörpu næstu helgi. Magnea hefur vakið athygli fyrir nýstárlega efnishönnun og notkun á íslensku ullinni.

Sýning Magneu er í Silfurbergi / Hörpu á föstudagskvöldið kl. 21.

Eins og aðrir hönnuðir sem taka þátt í RFF þetta árið er Magnea sjúklega upptekin við að leggja lokahönd á sýninguna sína – við náðum þó að stoppa hana í nokkrar mínútur til að svara spurningum fyrir lesendur Bleikt.

Gjörðu svo vel Magnea!

Vivienne Westwood býður þér í kvöldverð – í hverju ferðu og hvern tekur þú með þér?

Ég mundi fara í handgerðum kjól úr AW13 línunni minni og taka með mér hana Guðrúnu klæðskera og studio manager MAGNEA.

Hvaða stórstjörnu mundirðu vilja sjá í fötunum þínum?

Beyonce

Lýstu hönnun þinni í 5 orðum

Prjón, áferðir, smáatriði, andstæður, minimal

Ef þú mættir bara klæðast tveimur litum í heilt ár, hvaða litir yrðu það?

Ég ætti mjög erfitt með þessa áskorun en fyrstu litirnir sem mér detta í hug eru appelsínugulur og svartur.

Nefndu þrjár persónur eða atriði sem hafa mikil áhrif á hönnun þína

Íslensk ull, netaefni og Rökkvi sonur minn.

Hvaða tónlist er í spilaranum?

Ég hef verið að hlusta á SKAM playlistann á Spotify síðustu vikur og svo hlusta ég reglulega á tónlistina sem verður á sýningunni minni en hvaða tónlist það er kemur í ljós á föstudaginn.

Hvar verður þú eftir fimm ár?

Ég vona að ég verði bara um það bil á sama stað og ég er á núna, að gera það sem ég elska.

Hvað er best við RFF?

Mómentið þegar tónlistin byrjar að hljóma í salnum og öll litlu atriðin smella saman á sýningunni.

Hvar er hægt að fylgjast með þér?

instagram: @magneaeinarsdottir
facebook: /magneareykjavik